11/11/2011 ໃນວັນດຽວກັນທີ່ກຸ່ມບໍລິສັດ ເປີດເຜີຍຜູ້ຮ່ວມທຶນນັ້ນກໍ່ໄດ້ມີພີທີເປີດຕົວຢ່າງເປັນທາງການ ຂອງບໍລິສັດ ລາວ-ອິນໂດໄຊນາກຣຸບ ມະຫາຊົນ ເມື່ອວັນທີ 11 ພະຈິກ ຜ່ານມາທີ່ສໍານັກງານ ໃຫຍ່ຕະຫລາດຫລັກຊັບລາວ ນະຄອນຫລວງວຽງຈັນ ພ້ອມມີການເຊັນສັນຍາບົດບັນທຶກຄວາມເຂົ້າ ໃຈກັບຄູ່ຮ່ວມຍຸດທະສາດ ໃຫມ່ 2 ບໍລິສັດຕ່າງປເທດລະຫວ່າງ ທ່ານ ແສງມະລີ ແສງວັດທະນາ ປະທານສະພາຜູ້ອໍານວຍການບໍລິສັດລາວ-ອິນໂດໄຊນາ ກຣຸບ ມະຫາຊົນ, ທ່ານ ກູສ໌ຕາບ ໂກ ເດັນຮີມ ຜູ້ອໍານວຍການບໍລິສັດ ໄທໄບໂອແກ໊ສ ແລະ ທ່ານນາງ ຫລຽນ ເຊລ ເຈີນ ອຳນວຍການໃຫຍ່ບໍລິສັດ Nanning Fei Luo Shi ເຊິ່ງໃຫ້ກຽດເຂົ້າຮ່ວມຂອງທ່ານ ນາມ ວິຍະເກດ ລັດຖະມົນຕີວ່າການກະຊວງອຸດສາຫະກໍາ ແລະ ການຄ້າ, ມີທ່ານປະທານສະພາອຸດສາຫະກໍາ ແລະ ການຄ້າ ແລະ ເຮັດໃຫ້ມາຮອດປະຈຸບັນ ບໍລິສັດໄດ້ເຊັນສັນຍາການຄ້າກັບບໍລິສັດຈາກຈີນເຖິງ 5 ບໍລິສັດ ໃນໄລຍະເວລາ 5 ປີລວມປະລິມານການສັ່ງຊື້ຫລາຍເຖິງ 3 ແສນ ໂຕນຕໍ່ປີ ແຕ່ປະຈຸບັນຄວາມສາມາດຜະລິດຂອງບໍລິສັດໄດ້ພຽງ 15.000 ໂຕນຕໍ່ປີ ຢ່າງໃດກໍ່ຕາມ ພາຫລັງທີ່ໂຮງງານແຫ່ງທີສອງເລີ່ມການຜະລິດໃນຕົ້ນປີຫນ້າກໍ່ ຄາດວ່າ ຫມົດປີ 2012 ກຳລັງການຜະລິດຈະໄດ້ 50.000 ໂຕນຕໍ່ປີ, ທ່ານ ແສງມາລີ ກ່າວ.