11/11/2011 ເຊິ່ງໃຫ້ກຽດເຂົ້າຮ່ວມຂອງທ່ານ ນາມ ວິຍະເກດ ລັດຖະມົນຕີວ່າການກະຊວງອຸດສາຫະກໍາ ແລະ ການຄ້າ, ມີທ່ານປະທານສະພາອຸດສາຫະກໍາ ແລະ ການຄ້າ ແລະ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ. ລາວ-ອິນໂດໄຊນາ ເຊັນສັນຍາສ້າງຕັ້ງຕົວແທນຈໍາຫນ່າຍ ແປ້ງມັນຕົ້ນໃນຈີນ (21/10/2011) ເຂົ້າຮ່ວມເປັນພິຍານໃນພິທີເຊັນສັນຍາຄັ້ງນີ້ ໂດຍທ່ານ ສົມສະຫວາດ ເລັ່ງສະຫວັດ ຮອງນາຍົກລັດຖະມົນຕີ ທ່ານ ຫວງເຕົ້າ ເວ ຫົວຫນ້າແນວໂຮມປະຊາຊົນແຂວງກວາງຊີ, ພ້ອມດ້ວຍຄະນະຜູ້ແທນລາວທີ່ເດີນທາງເຂົ້າຮ່ວມງານສະແດງ ສິນຄ້າ ຈີນ-ອາຊຽນ. ທ່ານ ແສງມາລີ ແສງວັດ ວັດທະນາ ປະທານບໍລິສັດລາວ-ອິນໂດໄຊນາກຣຸບ ຈຳກັດຜູ້ດຽວ ກ່າວວ່າ: ຄວາມຈິງແລ້ວ
ຈະມີສາມບໍລິສັດມາເຊັນສັນຍາໃນວັນທີ 21 ຕຸລາ ແຕ່ອີກຫນຶ່ງບໍລິສັດບໍ່ສາມາດ ເຂົ້າມາຮ່ວມງານໄດ້ເນື່ອງຈາກເຮັດບັດບໍ່ທັນຈິ່ງໄດ້ເຊັນພຽງ 2 ບໍລິສັດກ່ອນສ່ວນອີກບໍລິສັດຈະເຊັນຕາມຫລັງ ເຊິ່ງເປັນການ ເຊັນສັນຍາສັ່ງຊື່ຈຳນວນ 85.000 ໂຕນຕໍ່ປີ. ເຮັດໃຫ້ມາຮອດປະຈຸບັນ ບໍລິສັດໄດ້ເຊັນສັນຍາການຄ້າກັບບໍລິສັດຈາກຈີນເຖິງ 5 ບໍລິສັດ ໃນໄລຍະເວລາ 5 ປີລວມປະລິມານການສັ່ງຊື້ຫລາຍເຖິງ 3 ແສນ ໂຕນຕໍ່ປີ ແຕ່ປະຈຸບັນຄວາມສາມາດຜະລິດຂອງບໍລິສັດໄດ້ພຽງ 15.000 ໂຕນຕໍ່ປີ ຢ່າງໃດກໍ່ຕາມ ພາຫລັງທີ່ໂຮງງານແຫ່ງທີສອງເລີ່ມການຜະລິດໃນຕົ້ນປີຫນ້າກໍ່ ຄາດວ່າ ຫມົດປີ 2012 ກຳລັງການຜະລິດຈະໄດ້ 50.000 ໂຕນຕໍ່ປີ, ທ່ານ ແສງມາລີ ກ່າວ.
ແນວໃດກໍ່ຕາມ ບໍລິສັດໄດ້ພະຍາຍາມຊຸກຍູ້ສົ່ງເສີມໃຫ້ປະຊາຊົນປູກຫລາຍຂຶ້ນ ເພື່ອຜະລິດສະຫນອງໃຫ້ທັນຄວາມຕ້ອງການຂອງຕະຫລາດ ໂດຍປະຈຸບັນ ມີເນື້ອທີ່ປູກຫລາຍກວ່າ 7 ພັນເຮັກຕາ ເຊິ່ງຄາດວ່າ ໃນປີ 2012 ຈະມີວັດຖຸດິບປ້ອນໂຮງງານບໍ່ຕ່ຳກວ່າ 1 ແສນໂຕນ.
ເວົ້າລວມແລ້ວ ການເຂົ້າຮ່ວມງານວາງສະແດງສິນຄ້າຈີນອາຊຽນ ເຊິ່ງບໍລິສັດເຂົ້າຮ່ວມມາ ແຕ່ປີ 2008 ໄດ້ສ້າງໂອກາດທາງດ້ານການຄ້າທີ່ສຳຄັນເນື່ອງຈາກໄດ້ພົບປະກັບ ລູກຄ້າ ຈີນ ເຊິ່ງເປັນຕະຫລາດບໍລິໂພກແປ້ງມັນຕົ້ນທີ່ໃຫຍ່ທີ່ສຸດເຮັດໃຫ້ລູກ ຄ້າມີຄວາມເຊື່ອຫມັ້ນເກີດມີການສັ່ງຊື້ເຂົ້າມາຢ່າງຫລວງຫລາຍ ຈົນຜະລິດເທົ່າໃດລູກຄ້າກໍ່ເອົາຫມົດ, ທ່ານ ປະທານບໍລິ ສັດກ່າວຢ້ຳ.