ໂຮງງານຜະລິດແປ້ງມັນຕົ້ນເປັນແຫ່ງທໍາອິດຂອງສ.ປ.ປ.ລາວໄດ້ເລີ່ມສ້າງຕັ້ງແຕ່ເດືອນກໍລະກົດ ປີ 2007 ແລະ ເປີດດໍາເນີນ ການຜະລິດຢ່າງເປັນທາງການເມື່ອ ວັນທີ 19 ເດືອນມິຖຸນາປີ 2008 ດ້ວຍທືນຈົດທະບຽນຫ້າລ້ານໂດລາສະຫາລັດ, ໄດ້ເລີ່ມສົ່ງແປ້ງມັນຕົ້ນອອກຂາຍຢູ່ມົນທົນກວາງຊີ ແລະ ມົນທົນຊຽງໄຮ້ ຂອງ ສ.ປ.ຈີນ ເປັນຄັ້ງທໍາອິດເມືອວັນທີ 22 ກໍລະກົດ ປີ2008 ຈໍານວນ 340 ໂຕນ.
ມາຮອດປະຈຸບັນໂຮງງານສາມາດຮອງຮັບມັນຕົ້ນດີບຈໍານວນ 1,000-1,200 ໂຕນຕໍ່ມື້ ແລະ ສາມາດ ແປຮູບເປັນແປ້ງມັນຕົ້ນ250-320ໂຕນຕໍ່ມື້.ທາງໂຮງງານໄດ້ຮັບຊື້ມັນຕົ້ນຈາກຊາວກະສິກອນໃນລາຄາທີ່ຄ້ຳປະກັນ, ທັງນີ້ກໍ່ຍ້ອນວ່າ ບໍລິສັດມີຕະຫຼາດໃຫຍ່ຢູ່ ສ.ປ.ຈີນ ທີ່ຮອງຮັບຂື້ແປ້ງມັນຕົ້ນຂອງພວກເຮົາ ຄື: ບໍລິສັດທ້າຍທົງການຄ້າ ຈໍາກັດຈາກມົນທົນຊຽງໄຮ້ ແລະ ບໍລິສັດພັດທະນາການຄ້າຕາເວັນອອກ ຈາກມົນທົນກວາງຊີ ໄດ້ເຊັນສັນຍາຊື້ແປ້ງມັນຕົ້ນແບບມອບເໝົາ. ໂຮງງານມີພະນັກງານທັງໝົດ 110 ຄົນມີລະບົບສີ່ງອໍານວຍຄວາມສະດວກໃຫ້ແກ່ພະນັກງານ ແລະ ກໍາມະກອນຫຼາຍຢ່າງເຊັ່ນ:
ບ່ອນນອນຄົບຊຸດ,ຫໍພັກກໍາມະກອນຊາຍແລະຍີງ, ຫໍພັກຊ່ຽວຊານແລະພະນັກງານບໍລິຫານ, ມີຮ້ານອາຫານ ຊື່ງບໍລິການ 3 ຄາບເຂົ້າ,ມີຫ້ອງປະຖົມພະຍາບານ, ຫ້ອງວິໃຈແປ້ງມັນຕົ້ນ.
ທັງໝົດນີ້ພະນັກງານບໍ່ໄດ້ເສຍຄ່າແຕ່ຢ່າງໃດ, ນອກນັ້ນເວລາພະນັກງານເຈັບປ່ວຍພວກເຮົາຍັງມີສະຫວັດດີການສັງຄົມທີ່ດີໃຫ້ອີກດ້ວຍ.